PD: Jo militantë në administratë
20/09/2013 00:00
Partia Demokratike ka denoncuar sërish pasditen e së premtes atë që e quan shkarkim masiv të administratës nga qeveria e re e dalë nga zgjedhjet e 23 qershorit.
Në një deklaratë për shtyp, deputeti Oerd Bylykbashi ka paralajmëruar se opozita do të kundërshtojë me të gjitha format ligjore këtë operacion të planifikuar nga mazhoranca e re.
“Jemi kundër zëvendësimit të administratës me militantë partiakë. Çdo nënpunës i administratës që hiqet padrejtësisht të denoncojë rastin. Ne do kundërshtojmë me çdo mënyrë ligjore shkarkimet masive në administratë”, ka deklaruar Bylykbashi.
Top Channel