Mashtrimi me karburantet, zgjerohet hetimi

Per shkak se njesia Task Force e kryeqytetit ka juridiksion vetem ne Tirane, mesohet se edhe njesite perkatese te ketyre rretheve do te angazhohen per te verifikuar raportin e Drejtorise se Metrologjise, nga i cili dolen ne drite abuzimet e disa subjekteve tregtare.

Nje dite pasi prokuroret e kryeqytetit sekuestruan dokumentat e Metrologjise, burimet prane ketij organi thone se per kryeqytetin behet fjale per kater subjekte, emrat e te cilave ashtu sikunder edhe Metrologjia nuk behen publike per shkak se jane nen hetim. Prokuroret thone se dyshimet e para referuar edhe dokumentave te bllokuara, flasin per nje skeme te tille ku pikat e karburantit kane pervetesuar ne sasira te vogla nga çdo shitje karburanti, por referuar sasise se shitur, perfitimi ka qene jo i vogel.

Megjithate organi i hetimit te Tiranes ende nuk ka nje liste te personave qe pritet te merren ne pyetje per dosjen qe cenon drejtperdrejt interesat e konsumatoreve, deri ne nje moment te dyte kur te perfundoje mbledhja e te gjithe dokumentacionit. Nga aktkontrolli i Metrologjise rezulton se e njejta gje pra sipas mekanizmit te demtimit te instrumentit mates te karburantit ka ndodhur edhe ne Shkoder ne dy subjekte, ne nje subjekt ne Elbasan, kater ne Kavaje dhe nje ne Fier.

Top Channel