Pejë, lëndohen 20 nxënës

Nxënësit ndodheshin në palestrën sportive “Karagaçi”, në një koncert humanitar që ishte organizuar për të ndihmuar nxënësen Djellza Nimanaj nga Deçani, e cila vuan nga leuçemia.

Koncerti kishte nisur nga ora 13:00 dhe aksidenti ka ndodhur kur gjatë tij ka rënë një pjesë e tavanit dhe ka zënë nxënësit. Në koncert po merrnin pjesë mësimdhënës si dhe prindër të shumtë.

Drejtori i Drejtorisë për mbrojten dhe shpëtimin në komunën e Pejës, Avdyl Lajqi ka thënë për “Kosovapress” se kanë vizituar nxënësit e lënduar, mirëpo nuk ka dhënë më shumë informata.

Zëdhënësi i policisë rajonale të Pejës, Xhevat Ibraj ka thënë se sa i përket të dhënave që kanë deri tani, 21 persona të moshave rinore janë të lënduar, ndërsa dy nxënëse të gjinisë femërore janë në gjendje më të rëndë dhe janë dërguar në QKUK.

“Akoma nuk i kemi informatat e konfirmuara sepse të gjitha ekipet hetimore të emergjencave dhe prokurori janë në vendngjarje dhe deri tani këto janë të dhënat që i kemi. Kur të kthehen nga terreni ekipet do të njoftoheni më detajisht”, ka thënë Ibraj.

Top Channel