Kreu i ILDKP-së, miratohen propozimet e Nishanit
18/01/2013 00:00
Beleri kandidat në Greqi për eurodeputet, Babaramo: Figura e ekstremit të djathtë grek, një njeri me 4 klasë shkollë që e flet greqishten copë-copë 18/04 22:46
Komisioni i Ligjeve ka miratuar vetëm me votat e të
djathtëve dy kandidaturat e dekretuara nga presidenti Nishani për kreun e
Inspektoratit të Lartë të Deklarimit dhe Kontrollit të Pasurisë(ILDKP).
Tashmë emrat e Shkëlqim Ganaj dhe zevendesministres së Mbrojtjes, Zana
Xhuka do të kalojnë për votim në Kuvend.
Kandidatja për kryetaren e ILDKP-së, Zana Xhuka ka theksuar në seancën dëgjimore se nuk është anëtare e asnjë force politike dhe se ka qëndruar në postin e zëvendësministres së Mbrojtjes falë CV-së së saj profesionale.
“Kam punuar në Ministrinë e Mbrojtjes edhe gjatë qeverisjes socialiste dhe në kryerjen e detyrës parësore është zbatimi i ligjit dhe respekti i dinjitetit pasuror të çdo individi” theksoi Xhuka. Ndërsa kandidati tjetër për postin e kreut të ILDKP-së, Shkëlqim Ganaj ka theksuar se nuk ka qene pjesë e asnjë partie politike dhe ka punuar në drejtësi prej shumë vitesh.
Më herët, deputeti i Partisë Socilaiste Fatmir Xhafaj e cilësoi si të nxituar shqyrtimin e dy kandidaturave të dekretuara nga presidenti Nishani..
“Mbledhja është e ngutur pasi duhet të shohim kriteret e kandidatëve. Kjo tregon se do të kemi një vendimmarrje të paracaktuar të mazhorancës. Kuvendi nuk duhet të nxitojë pasi nuk duhet të jetë një zgjedhje e motivuar politikisht” tha Xhafaj.
Top Channel
