Nga salla e Kuvendit, Kryeministri Sali Berisha akuzoi opozitën se e ka
shndërruar Parlamentin në një shoë kundër buxhetit më të madh.
“Opozita shikon te buxheti tmerrin e vërtetë të qershorit”, Berisha.
Sipas Kryeministrit, është e dhimbshme që opozita votoi kundër buxhetit që rrit të ardhurat e 800 mijë shqiptarëve.
“Opozita nuk votoi buxhetin që në vlerë është 9 miliardë lekë më shumë se buxheti i para 8 viteve. Nuk votoi buxhetin sepse gjithcka e bazon në mashtrimet që u bën shqiptarëve”, tha Berisha.
Ndërkohë kreu i grupit parlamentar socialist Gramoz Ruçi nga foltorja e Kuvendit deklaroi se opozita nuk e votoi buxhetin sepse nuk ndihmon në rimëkëmbjen e ekonomisë, nuk ndikon në zbutjen e krizës ekonomike, ky buxhet e rrit borxhin, nuk e zbut varfërinë, e rrit papunësinë dhe e përkeqëson fuqinë blerëse.
Top Channel