Berisha: Opozita siriane, përfaqësuesja e vetme legjitime

14/12/2012 00:00

Kryeministri Sali Berisha njoftoi se Shqipëria njeh opozitën siriane si
të vetmen përfaqësuese legjitime të Sirisë dhe kombit sirian.

“Shqipëria i bën thirrje Organizatës së Kombeve të Bashkuara dhe Aleancës së Atlantikut të Veriut të marrin të gjitha vendimet për të ndaluar masakrën e civilëve dhe barbarisë që Bashar al-Assad dhe regjimi i tij po kryejnë çdo ditë, mbi popullin e pambrojtur sirian”, thuhet në njoftimin e Kryeministrisë.

Po ashtu mësohet se Shqipëria do të japë një ndihmë prej 100 mijë dollarësh për refugjatët sirianë në Turqi dhe është e gatshme të dërgojë ekipe mjekësore dhe ndihma të tjera në kampet e tyre.

Top Channel