Elbasan, shkolla e shkatërruar
07/11/2012 00:00
Pa shtëpi dhe pa bonus/ 65 familje të dëmtuara nga tërmeti kërkojnë zgjidhje
16/04 15:29
Shkolla 9-vjeçare e fshatit Tregan, në rrethin e Elbasanit, ndodhet në kushte jo të përshtatshme për zhvillimin e një proçesi mësimor normal.
Nxënësit mësojnë mes lagështirës së tavanëve që pikojnë dhe suvave që bien, ndërkohë që një laborator informatike i vendosur disa kohë më parë ka rënë pre e grabitjes.
E sikur të mos mjaftonin të gjitha këto, në këtë shkollë prej 3 vitesh mungojnë edhe tualetet për 250 nxënës.
“S’kemi banjo. Janë prishur dhe s’janë rregulluar akoma. E bëjmë tek pylli. Kemi pak frikë, por dalim dyshe-dyshe”, tregon një nxënës.
Drejtoria e shkollës i është drejtuar komunës për të ndërhyrë për riparimin e saj, por komuna Tregan ndodhet përballë vështirësive financiare për shkak të bllokimit të grantit nga qeveria.
“Ne i kemi evidentuar ato probleme dhe jemi munduar të bëjmë maksimumin brenda mundësive tona. Bllokimi është jo i drejtë pasi kundërshton ndërhyrjen për përmirësimin e infrastrukturës në ambjentet shkollore”, deklaron Behar Tashi, kryetar i komunës Tregan.
Sipas kryetarit të komunës, bllokimi i grantit nga qeveria ka paralizuar të gjitha investimet e parashikuara dhe shumë shpejt edhe administrata e komunës do të mbetet pa paga.
Top Channel
