Një krim i rëndë brenda familjes ka tronditur fshatin Kostur të Hasit. Babai ka vrarë me armë zjarri djalin e tij 21-vjecar.
Ngjarja e rëndë ka ndodhur pasditen e së mërkurës brenda në banesën e tyre. Burime të policisë lokale bëjnë të ditur se 71-vjeçari Binak Nabolli ka vrarë të birin Ylber Nabollin, 21 vjeç, pas një një konflikti të çastit në banesë.
Policia mbërriti menjëherë në vendngjarje dhe bëri të mundur arrestimin e 71-vjeçarit. Nga hetimet e policise mesohet se 21-vjecari është qëlluar me një plumb në gjoks. Autori më pas ka ndenjur me kufomën e të birit për tre orë me radhë brenda në banesë.
Kanë qenë banorët e zonës ata që kanë lajmëruar policinë e cila ka bërë të mundur më pas arrestimin e prindit vrasës. Ndërkohë policia ka vijuar hetimet për të zbuluar rrethanat në të cilat ka ndodhur ngjarja e rëndë.
Top Channel