Transferimi i mësuesve, sindikatat: Politike
18/09/2012 00:00
Dhjetra mësues të gjimnazeve në shumë rrethe të vendit, po transferohen pa asnjë të drejtë në shkolla të ndryshme, duke shkelur të dispozitat e kontratës kolektive.
Sindikalistët e arsimit kanë kërkuar ndërhyrjen e Ministrisë së Arsimit për këto lëvizje që janë sa politike edhe korruptive.
Kreu i Konfederatës së Arsimit, Xhaferr Dobrusha tha se këto lëvizje po kryhen përpara se të hyjë në fuqi ligji i ri për sistemin parauniveristar.
Transferimet e mësuesve po kryhen në Mallakastër, Mirditë, Has, Gramsh, Librazhd por edhe në qytete të tjera.
Mësuesit me përvojë disa-vjecare po zëvendësohen me mësues të rinj të cilët, me hyrjen në fuqi të ligjit të ri, mbeten në këto gjimnaze.
Top Channel