Aksident në Elbasan, vdes kalimtari

17/09/2012 10:00

Një aksident me pasojë vdekjen e një kalimtari ka ndodhur mbrëmjen e së dielës në Elbasan.

Ngjarja e rëndë ka ndodhur në aksin Elbasan-Bradashesh, pranë Metalurgjisë. Mjeti me targa EL 6618 B, me drejtues Abedin Hyseni, ka aksidentuar për vdekje 40-vjeçarin Astrit Myrto, i cili ka qenë duke kaluar në anën tjetër të rrugës.

Burime zyrtare të policisë bëjnë me dije se Myrto ka gjetur vdekjen e mënjëhershme si pasojë e plagëve të rënda që ka marrë në trup.

Trupi i pajetë është dërguar në morgun e Elbasanit për t’iu nënshtruar ekspertizës mjeko-ligjore. Në vendin e ngjarjes ka shkuar grupi hetimor për të nisur zbardhjen dhe rrethanat në të cilën ndodhi aksidenti.

Ndërkohë drejtuesi i mjetit është shoqëruar në komisariat, për veprën penale të rregullave të qarkullimit rrugor.

 

Top Channel