Hapet ambasada izraelite

Ne ceremonine e inaugurimit, e zhvilluar ne masa te larta sigurie, ajo qe ra ne sy me shume sesa prania e politikaneve me te rendesishem, ishte prania e perfaqesuesve te klerit mysliman.

Nje fakt ky qe eshte vene ne dukje me krenari nga numri dy i qeverise izraelite. Avigdor Lieberman tha se per Izraelin, hapja e nje misioni te ri diplomatik eshte gjithmone nje arsye per te festuar, por kjo eshte veçanerisht e vertete, kur nje mision i tille hapet ne nje vend si shqiperia, i cili eshte nje vend anetar i NATO-s dhe ka nje popullsi me shumice myslimane.

 Shqiperia e ka njohur Izraelin qe ne vitin 1949, por vetem 21 vitet e fundit, marredheniet mes dy vendeve jane karakterizuar nga fryma e miqesise dhe bashkepunimit.

“Kur isha student ne ish-Bashkimin Sovjetik, nese dikush do te me thoshte se nje dite une do te hapja ambasaden e Izraelit ne Tirane, si minister i Puneve te Jashtme te Izraelit, une natyrisht do t’i thosha qe je i çmendur. Kjo ishte dicka e pabesueshme. Po kjo tregon sesa shume ndryshon bota moderne, sesa dinamike eshte situata, sesa dinamike jane marredheniet.  Ne duhet ta ndjekim kete dinamike dhe ne duhet te kontribuojme  per te permiresuar marredheniet tona, per te permiresuar kushtet per njerëzit dhe vendet tona. Keshtu qe edhe nje here faleminderit zoti kryeminister, faleminderit te gjitheve per përpjekjet tuaja dhe per miqesine tuaj”, tha ministri izrealit.

“Në një mjedis armiqësor ndaj tij, në të cilën antisemitizmi përdoret si doktrinë për të konsoliduar regjimet opresive dhe si një atavizëm i një trashëgimie të shkuar, Izraeli u bë shembull i zhvillimit demokratik dhe potencialeve të mëdha të lirisë dhe fakti që ju, zoti Lieberman, një ish student në Bashkimin Sovjetik jeni sot, këtu, si Zëvendëskryeministër i këtij shtetit, për të hapur ambasadën e vendit tuaj në Tiranë. Kjo është mrekulli e lirisë në tërësi dhe e vendit tuaj në veçanti”, tha Berisha.

Shqiperia ka njohur edhe shtetin e Palestines, por kjo nuk e pengoi qeverine e kryeministrit Berisha nje vit me pare te mos mbeshteste tentativen e njeanshme te Autoritetit Palestinez per t’u anetaresuar ne Kombet e Bashkuara.

Aktualisht, Shqiperia dhe Izraeli po bejne perpjekje, qe perveç forcimit te lidhjeve politike, te konsolidojne edhe marredheniet ekonomike me pranin e biznesit izraelit ne Shqiperi. Keto peprjekje nuk mbeshteten vetem nga qeveria, pasi edhe opozita ka shfaqur te njejtat qendrime, gje qe u konfimua gjate takimit mes ministrit Lieberman dhe kreut te partise Edi Rama, i cili e ka siguruar numrin dy te qeverise izraelite se Partia Socialiste mbeshtet dhe ka vemendje te posacme per zhvillimin e marredhenieve mes Shqiperise dhe shtetit te Izraelit.  

Top Channel