Debate të ashpra kanë shoqëruar prezantimin e drejtorit të ri të ujësjellësit-fshat, ku është dashur dhe ndërhyrja e policisë për të qetësuar palët.
Këshilli drejtues i ujësjellësit-fshat që përbëhet nga disa kryetarë komunash ka shkarkuar drejtorin e ujësellësit fshat, Flaurent Shoshi pak ditë më parë me motivacionin punë të dobet duke emëruar në vendit të tij Gezim Alibalin.
Por gjatë prezantimit të drejtorit të ri, drejtori i shkarkuar nuk ka pranuar të dorëzojë detyrën duke e cilësuar këtë veprim si arbitrar dhe jo të ligjshëm.
Situata mes palëve është acaruar. Kryetari i komunës Velipojë, Pashk Ujka, tha se drejtori i shkarkuar ka përdorur fjalë fyese dhe ofenduese ndaj këshillit drejtues.
Po sipas kryetarit të komunës Velipojë Pashk Ujka, që është dhe një nga anëtarët e këshillit drejtues, shkarkimi i drejtorit është bërë pas një situate të vështirë që po kalon ujësjellësi-fshat dhe zona turistike e Velipojës e cila prej disa ditësh nuk ka ujë të pijshëm.
Drejtori i shkarkuar ka akuzuar këshillin drejtues se ka marrë një vendim të padrejtë pasi i takon bordit drejtues ta shkarkojë.
Por sipas këshillit drejtues emërimi dhe shkarkimi i drejtorit është kompetencë e këshillit drejtues të ndërmarrjes ujësjellës-fshat.
Top Channel