Të rinjtë, në kërkim të një pune…
05/05/2012 19:55
A duhet masteri? Të rinjtë me dyshime për të vijuar arsimimin
23/04 12:28
Ndonëse përfundojnë studimet dhe pajisen me diplomat përkatëse, të rinjtë shqiptare e kanë të vështirë të gjejnë një vend pune.
Sipas statistikave të INSTAT dhe Organizatës Botërore të Punës, ILO, niveli i papunësisë tek të rinjtë përllogaritet në 27.2 % dhe se për një të ri shanset për të gjetur një punë janë 2.5 herë më të vogla se për një të rritur.
Të rinjtë tashmë nuk këmbëngulin që të gjejnë me cdo kusht një punë që i përshtatet degës së tyre të studimit. Shumë prej të rinjve me arsim të lartë i gjen të punësuar nëpër qendra “Call Center” në Tiranë pasi diplomat e tyre nuk u vlejnë.
Sipas drejtuesve të një qendre “Call Centre” në Tiranë ka një fluks kërkesash të të rinjëve për t’u punësuar në to.
“Ka shumë persona që duan të punojnë. Jemi rritur me thuajse 100 përqind cdo vit dhe kam mendimin që ne jemi një ndër kompanitë me më shumë të rinj të diplomuar, thuajse të gjithë janë të diplomuar”, thotë Agron Shehaj, sipërmarrës Call Center.
Në cdo prag fushate, politikat e punësimit të të rinjve zënë vend të rëndësishëm në programet e partive politike, por në asnjë rast ato nuk zbatohen duke bërë që papunësia të rritet me shifra alarmante dhe të rinjtë, me diploma të enden rrugëve.
Top Channel
