Seria A, ndalet Milani, tension ne Genoa

22/04/2012 17:25

Në javën e 34-rt të Serisë A, Milani nuk shkon më tej se një barazim ndaj Bolonjës, duke qëndruar në vendin e dytë, me Juventusin në krye që ka një ndeshje më pak.

Ndeshja mund të kishte shkuar edhe më keq për “kuqezinjtë” në qoftë se barazimi nuk do të kishte ardhur në fundin e takimit. Është Ibrahimoviç që shënon në minutën e 90’ të ndeshjes, pas një neglizhimi të mbrojtjes mike. Më parë kishte shënuar Ramirez në minutën e 26’ të pjesës së parë.

Takimi Genoa-Siena u pezullua në minutën e 8’ për shkak të tymseve të hedhura në fushë. Gjithçka nisi si pasojë tifozëve vendas, të cilët kontestuan humbjen e ekipit të tyre 0-4, deri në atë moment. Pas 45 minutash ndërprerje ndeshja filloi përsëri, ajo u mbyll me rezultatin 1-4.

Interi sërish nuk shkon më tej se një barazim 0-0 ndaj Fiorentinës. Madje këta të fundit nuk shfrytëzuan si duhet një penallti të dhënë në favor të tyre. Ljajic gabon teksa gjuajtjen e tij e grushtoi Julio Cezar.

Takimet e tjera u mbyllën me këto rezultate: Lacio-Leçe 1-1 dhe Cezena-Palermo 2-2.

Top Channel