Rama: Votat u vodhën brenda parlamentit

“Kryeministri dha sot provën më ulëritëse të faktit se nuk merr dot pushtet me votë të lirë por as mban dot pushtet pa grabitur vota edhe brënda në parlament. Ai as ka pasur as nuk mund të ketë ndonjëherë shumicën në kutinë e votimit të fshehtë, nëse nuk e manipulon votën duke e kontrolluar atë sic e bëri sot duke e kontrolluar vetë e bërë personalisht rolin e Ristanit me ndihmën e Jozefinës në rolin e Sashenkës. E dëgjuam edhe Patozin, por ai është Toma. Dhe njësoj si Toma ha përshesh. Kriza e votës së fshëhtë ka kohë që ka hyrë edhe në parlament, por sot ajo shpërtheu në formën e një rrugacërie turpëruese për parlamentin për shoqërinë për vetë Shqipërinë që u diskredituan nga kryeministri dora vetë në rolin e një pengmarrësi të rëndomtë të votimit si ata pengmarrësit e e Rruzhdies apo situatave të tjera të njohura botërisht”, deklaroi Rama.

Sipas zotit Rama seanca parlamentare ku u votua për emërimin e nënkryetarir të KLD-së,  nga një process kushtetues devijoi duke aplikuar një standart të papranueshëm parlamentar e si pasojë coi në eleminimin e garës në një emërim të dhunshëm.

Rama gjatë deklaratës ka sulmuar ashpër Berishën kur tha  se veprimet e tij demostruan në mënyrë spektakolare daljen e kryeministrit nga “shinat e trurit”.

“Kryeministri u dha të gjithëve provën më kuptimplotë të nevojës që ai ka për ta mbajtur pushtetin e lindur nga vjedhja e votave, vetëm përmes vjedhjeve të njëpasnjëshme deri edhe duke vjedhur votën e deputetëve e vetë ministrave të tij përmes manipulimit të procesit të votimit”, tha Rama.

Top Channel