Gjirokastër, shqetësim për ndotjen e mjedisit

“Ndotja ka prekur tokën dhe ujin dhe janë gjobitur disa njësi për këtë arsye”, tha prefektja.

Nga ana tjetër krerët e komunave të gjobitura për ndotje mjedisore kanë debatuar gjatë në këtë takim. Ylli Muho kreu i komunës Antigone tha se problemi është evident në të gjithë qarkun, ndërsa gjoba kanë ardhur vetëm për 4 komuna që drejtohen nga socialistët. Muho gjithashtu tha se nuk disponojnë mjete finaciare për të ndërhyrë në territor dhe se mungesa e një landfilldi përpunues për mbetjet është sfida kryesore ambientale e rajonit.

Kreu i Agjencisë Rajonale të Mjedisit,i pranishëm në takim Asqeri Buzheri bëri me dije se Agjencia po vlerëson nivelin e bashkëpunimit dhe predispozicionin e njësive vendore për nisma që mbrojnë mjedisin. Buzheri tha se gjobat do të falen nëse situata ndryshon dhe cakton qartë vendet e grumbullimit të mbeturinave.

Në të gjitha qarkun e Gjirokastrës ndotja mjedisore është në nivele kritike, të gjitha njësitë vendore komuna dhe bashki me përjashtim të dy komunave nuk kanë leje mjedisore për vendgrumbullimet e miratura, të cilat ose janë shumë pranë vendbanimeve ose shumë pranë pasurive ujore.

Top Channel