Kryeministri Sali Berisha dhe ministri i Financave, Ridvan Bode vizituan
qytetin e Korçës, ku janë takuar me Shtabin Lokal të Emergjencës.
Kryeministri u shpreh se ky dimër ishte agresiv, por pati mobilizim
total për të shpëtuar njerëzit.

“Ne teresi, ne mbare vendin ka spikatur shkalla e larte e pergjegjesise. Ky ka qene operacioni me i gjere i emergjences civile i ndermarre ndonjehere ne historine e vendit. Operacioni ka konsistuar ne hapjen e mijera kilometrave rruge, ne levizjen e milionave meter kub bore, ne shperndarjen e ndihmes mjekesore ne te gjithe keto zona, evakuimin e te semureve dhe nenave shtatzena, por edhe ne dergimin e ndihmave ushqimore ne zonat apo shtepite, apo lagjet me te izoluara te te gjithe territorit”, tha Berisha.

Ditët që vijnë mund të kenë të tjera reshje, tha kryeministri, duke kërkuar nga kryetarët e komunave që të shfrytëzojnë fondin për hapjen e rrugëve të bllokuara nga dëbora. Nga Korça, Berisha kritikoi edhe qendrimin e opozites sipas tij ne kete situate emergjence.

“Qe opozita te marre informacion kjo eshte gjeja me normale, por qe t’u perdhose kodin e vdekjeve te tjereve, kjo eshte gjeja me e papranueshme. Te bertasin se perse nuk erdhi kryeministri ne Kuvend, kur nuk e kerkuan, kjo eshte qesharake.E dini perse nuk e kerkuan Kryeministrin ata? Kryeministri ishte i gatshem te shkonte ne Kuvend, te raportonte pike per pike, por e dinin qe do te perballeshin me nje liste te gjere masash te marra ne mbare vendin per perballimin e situates. Kete nuk donin ta degjonin, por donin te benin konferenca shtypi. Kjo nuk ishte normale”, tha Berisha.

Zoti Berisha ka vlerësuar edhe rolin e medias në informimin e publikut minutë pas minute per situatën e krijuar.

Topalli, njihet me gjendjen në Kukës

Kryetarja e Kuvendit, Jozefina Topalli është takuar në Kukës me autoritetet vendore dhe Shtabin e Emergjencës së këtij qarku, nga ku është njohur  me  situatën në zonat e bllokuara nga dëbora.

“Sytë janë këtu, vëmendja është këtu, si në qarkun e Dibrës, ashtu edhe ne ate te Kukësit, Shkodrës e Korcës. Kemi kaluar një moment shumë të vështirë. Na ka ndihmuar infrastruktura e re e ndërtuar anekënd Shqipërisë. Kjo ka qenë pjesë e rëndësishme që ne na ka bërë të mos humbim komunikimin, të vazhdojmë të lëvizim. Unë jam këtu bashkë me kolegë, me deputetin e zonës për t’ju falenderuar të gjithëve” u shpreh Kryetarja e Kuvendit.

Gjithashtu kryetarja e Kuvendit vlerësoi punën pa ndërprerje, për hapjen e rrugëve nacionale, çka bën që të mos humbet komunikimi si dhe lehtëson edhe dërgimin më të shpejtë të ndihmave ushqimore, medikamenteve dhe shërbime të tjera për banorët.
 

Top Channel