Tragjedia në Restelicë, Topi mesazh Jahjagës
13/02/2012 00:00
Presidenti i Republikës Bamir Topi shprehu ngushëllimet dhe
solidaritetin për viktimat e shkaktuara nga orteku në fshatin Restelicë
të Dragashit.
“Me dhimbje të thellë mësova lajmin tragjik të vdekjes së anëtarëve të familjes Reka nga orteku i borës, që ishte një ngjarje e hidhur dhe tragjike. Më lejoni që në këtë ditë zie për mbarë Kosovën, në këto momente të rënda për vajzën e vogël të mbijetuar e për të afërmit e viktimave t’ju shpreh ngushëllimet e sinqerta edhe në emër të shtetit dhe qytetarëve shqiptarë”, thuhet në mesazhin që Topi i dërgoi homologes në Kosovë, Atifete Jahjaga.
Kreu i shtetit shqiptar shprehu solidaritetin dhe mbështetjen e institucioneve për ndihmë dhe përkrahje për të kaluar këtë moment të vështirë.
Top Channel