Këshilltarët: Një flamur për Tiranën e Pavaresinë

11/02/2012 00:00

Me rastin e 92-vjetorit të themelimit të Tiranës, si kryeqytet i
Shqipërise dhe 100-vjetorit të shpalljes së Pavarësisë, këshilltarët
socialistë në Këshillin Bashkiak u bëjnë thirrje qytetarëve të vendosin
të gjithë një flamur në banesat e tyre.

Ne ekspoziten e hapur me fotografi te figurave me te shquara tiranase dhe atyre qe kontribuan per Tiranen, këshilltarët kane shprehur mirenjohje familjes Rreli, qe me objektivin e aparatit kane mundesuar nje ekspozite te tille.

“Meqënese dita e themelimit të Tiranës, përputhet me 100-vjetorin e pavarësisë së Shqipërisë, do t’i japim si simbol familjes Reli, flamurin tonë kombëtar, duke përcuar një mesazh gjithë qytetarëve të Shqipërisë, gjithashtu edhe qytetarëve të Tiranës, që në këtë 100-vjetor të Pavarësisë këtë flamur ta vendosin në banesat e tyre, për të respektuar historinë, kontributet dhe të ardhmen tonë të përbashkët, në Bashkimin Evropian”, tha këshilltari Aldin Dalipi.

Adem Rreli ka vleresuar kete gjest mirenjohjeje duke kerkuar qe qytetaret t’i konsiderojne shembuj te gjithe figurat e ekspozuara ne kete ekspozite .

“Mendoj që këto duhet t’i kemi model për të ardhmen. Mendoj t’i konsiderojmë këto si trashëgtimtarë të paraardhësve të tyre që e bëne Tiranën. Të gjithë qytetarët e Tiranës të mendojnë sic kanë menduar këta njerëz me punën dhe sjelljen e vet”, tha Rreli.

Grupi i keshilltareve socialiste ka soditur me pas 195 foto me emra te njohur te familjeve tiranase dhe te gjithe atyre qe konstribuan per Tiranen.

Top Channel