Do të ulen temperaturat
21/12/2011 00:00
“Kodi i familjes e përmend surrogacinë”, akademikja: Këto lindje kanë ndodhur në mënyrë ilegale, di disa raste
24/04 22:29
Temperatura edhe më të ulëta na presin të enjten. Sipas meteorologëve,
termometri do të zbresë me 2-3 gradë celsius të tjera në zonat
bregdetare dhe ato të ulëta,ndërkohë që më e ndjeshme është zbritja në
zonat malore.
Reshjet e dëborës do të vazhdojnë dhe ato priten të jenë më intensive në 24 orët e ardhshme.
Reshjet e shiut do te rikthehen sërish në orët e pasdites të së dielës. Ndërkohë që fillimi i javës do të na sjellë dhe rritje graduale të temperaturave.
Moti i keq përfshin vendin
Moti i keq me reshje të dendura bore ka përfshirë të gjithë vendin. Në Bulqizë, komunat Ostren, Martanesh dhe Zerqan ka probleme me rrugët si pasojë e borës.
Trashësia e borës ka arritur deri në 15 centimetra, ndërsa temperaturat në -2 gradë Celsius.
Në Elbasan, mjetet e rënda po punojnë për zhbllokimin e akseve rurale nga bora, ku probleme kanë sidomos rrugët dytësore Elbasan-Gjinan dhe Dorëz-Qarishtë.
Mot i keq dhe në Gjirokastër, ku trashësia e borës në zonat malore arrin në 20 centimetra. Probleme me qarkullimin në komunat Zagori, Buz dhe Frashër për shkak të bores.
Nga moti i keq dhe reshjet është shkatërruar plotësisht ura që lidh komunat Buz e Ballaban. Kjo gjë ka lënë pa mësim nxënësit e shkollës së mesme në Ballaban.
Është bllokuar qarkullimi në Qafën e Llogarasë nga reshjet e dendura të bores. Reshjet që kanë rënë gjatë natës kanë bërë që policia të mos lejojë mjetet të kalojnë.
Top Channel
