“Shkurtoni investimet për rrugë”

“Nuk eshte nje zgjedhje e lehte, sepse vendi ka nevoje te permiresoje infrastrukturen, ka nevoje per rrugë,  te permiresoje rrjetin elektrik dhe ujesjellesat. Por nese sistuata ne eurozone perkeqesohet dhe nese te ardhurat do te jene me te uleta se sa jane parashikuar ne buxhetin e 2012 mund te jete e nevojshme te shtyhen disa nga keto projekte të mëdha ne infrastukture. Pra duhet monitoruar situata me shume kujdes dhe te mos pritet ne periudhe afatmesme per te bere keto rregullime, por nese eshte e nevojshme te nderhyhet sa me shpejt”, tha Ksenia Ivovski, drejtoreshë e Bankës Botërore për Shqipërinë.  

Banka ka arsye të forta, se pse për herë të parë po rekomandon një masë kaq drastike, pasi me kete menyre sipas saj nuk perkeqesohet borxhi publik dhe nuk cenohen shpenzimet per sektorët kyc si arsimi dhe shëndetësia.

“Së pari me lejoni të them që niveli i borxhit në Shqipëri është rreth 59 perqind, shume afer asaj qe ne e quajme kufiri i sigurte per ekonomi si Shqiperia. Kur ndodhesh ne nje situate te tille buxhetore ka dy prioritete. E para eshte fokusimi tek rritja e te ardhurave permes permiresimit te mbledhjes se taksave. Dhe pasi eshte bere kjo dhe buxheti vazhdon te jete i shtrenguar duhet te besh zgjedhje te veshtira tek shpenzimet. Dhe kur nderhyhet tek shpenzimet, mbrojtja e sektoreve kyc si shendetesia dhe arsimi eshte qartesisht prioriteti kryesor, sepse kapitali human eshte pasuria me e madhe qe nje vend ka dhe do te kete”, thotë Ivovski.

Kriza e ka ulur ndjeshem ritimin e Shqiperisë për t’u zhvilluar. Zonja Ivovski thotë se për fat të mirë të gjitha institucionet parashikojnë rritje për shqipërinë, por më të ngadaltë.
 
“Ne parashikojme nje rritje afatmesme tek rreth 3 perqind, qe eshte dukshem me e ulet nga ajo qe Shqiperi ka pasur. Kjo do te thote ngadalësim i uljes së varfërisë ose edhe stanjacion i mundshem i niveleve te saj. Po keshtu kjo rritje me e ulet ekonomike do te thote rritje e mundshme e pabarazise qe duhet te jete nje shqetesim kryesor, dhe se fundmi do te thote permiresim me i ngadalte i standardt te jeteses per shumicen e shqiptareve”, tha Ivovski.

Top Channel