Ura e Poloskës e cila është e vetmja që mundëson kalimin nga qyteti i Bilishtit në fshatin Miras dhe anasjelltas, rrezikon shëmbjen.
Amortizimi i skajshëm i kësaj ure reflektohet tek carjet e krijuara në të gjithë gjatësinë e saj, të cilat janë disa centimetra të gjëra.
Shëmbja e kësaj ure do të shkëpuste cdo mënyrë kalimi mes dy zonave duke lënë si të vetmin shteg atë të kalimit përmes lumit.
Zgjidhja e përkohshme e gjetur për shmangien e rrezikut tepër të madh që sjell kalimi në këtë urë është bërë përmes vendosjes së disa gomave të cilat pengojnë kalimin e automjeteve në krahun e djathtë të saj.
Përtej rrezikut të shëmbjes, një tjetër element shqetësues është edhe ai i nxjerrjes së materialeve inerte përgjatë gjithë shtratit të lumit Devoll nga subjekte të ndryshme.
Top Channel