Kriza, skenarët për euron

“Po të shihet vlerësimi i Euros, përkundrejt monedhave të tjera, kemi të bëjmë me lëvizje normale. Po të shihen aksionet europiane po operojnë në të njëjtën mënyrë si aksionet në vitet 70-të. Pra është një histori e stërparë dhe cdo panik për një shpërbërje të euros është i pabazë”, tha Harasani.

Ndërsa Sybi Hida thotë: Euro është një monedhë, e cila menaxhohet nga vendet më të fuqishme të Europës, kështu që edhe atyre nuk do i interesonte një zhvlerësim ose një humbje e kësaj monedhe”.

Megjithatë ata mendojnë se edhe për një të ardhme të afërt euro do të vazhdojw të humbasë terren ndaj dollarit, por edhe lekut.

“Do të vazhdojë të ketë një zhvlerësim të euros. Parashikimet më optimiste janë për një euro nw nivelin 1.2 me dollarin amerikan”, tha Harasani.

Edhe ekonomia shqiptare preket nga këto zhvillime. Efekti i parë është ai tek individët, që duket i dyanshëm.

“Mund të dëmtohen ata shqiptarë, të cilët kanë kursimet e tyre në euro, por fenomeni tjetër është fenomeni pozitiv për shqiptarët, të cilët kanë borxhe në euro, sepse do u duhen më pak lekw për të blerë euro për të kthyer borxhin”, thotë Hida.

Megjithatë ekspertët janë në një zë, kur thone se në këto kushte kur tregu është emotiv, këshilla më e mirë për qytetarët është të mos nxitohen për t’i transferuar kursimet nga njëra monedhë në tjetrën.

“Historikisht dhe teorikisht është provuar që të vetmit që humbasin nga këmbimet valutore, janë investitorët e vegjël. Ka studime, të cilat në periudhe 18 mujore, të gjithë investitorët e vegjël humbasin shumat që ata kanë, ngaqë futen në veprime valutore”, thotë Harasani.

Vec individëve duket se edhe qeveria përfiton nga zhvlerësimi i euros.

“Kjo mund t’i ndihmonte financat publike, sepse borxhi ynë i huaj do të bëhej më i lirë dhe shërbimi ndaj i tij do të bëhej më i lirë, pra do të duhej më pak lekë për të blerë euron, për të kthyer borxhin”, sqaron Hida.

Monedha europiane po kalon ditët më të vështira që nga krijimi i saj. Aktualisht në media qarkullojnë disa skenarë, se si eurozona mund të dalë nga kriza, ku përfshihet variantet nga një zhvlerësim i përbahshkët i euros, deri tek ndarja e eurozonës në dy blloqe e madje edhe skenari më i fortë që është ai i braktisjes së kësaj monedhe dhe rikthimi i monedhave kombëtare.  
  

Top Channel