Garë për Avokatin e Popullit

Kryesocialisti propozoi ngritjen e nje komisioni ad hoc, të perbere nga deputete dhe anëtare te shoqerise civile, qe do te shqyrtojne dhe seleksionojne kandidaturat per Avokat te Popullit, duke ftuar ne kete proces konkurrimi edhe qytetaret e thjeshte qe plotesojne kriteret e kerkuara.

“Çdo qytetar me shkollim, eksperiencë dhe ambicie për ta marrë përsipër misionin e avokaturës së interesave të popullit është i ftuar të trokasë në derën e Partisë Socialiste për mbështetjen tonë. Ne nuk duam një avokat të Partisë Socialiste që të marrë urdhra nga partia, por një Avokat të Popullit nën urdhrin e Kushtetutës. Jemi gati të mbështesim shqiptarin apo shqiptaren që e ka këtë ambicie dhe do të rezultojë më adapt për këtë mision publik”, tha Rama.

Kryesocialisti i beri thirrjeve nderkombetareve te reagojne perballe asaj qe e quajti presion mafioz ndaj te zgjedhurve opozitare ne disa bashki te vendit, tashme ne Fier e Gjirokaster, te cilet sipas tij po perballen me kercenime per te kaluar ne krahun tjeter voten e tyre. Sipas zotit Rama keto akte po ndikojne seriozisht edhe ne gjetjen e konsensusit mes paleve.

Nje tjeter pike ku lideri i opozites u ndal ne mbledhjen e grupit ishte lumi i denimeve, permes gjykatave te deputeteve socialiste ne padite e ngritura nga kundershtaret e tyre ne mazhorance. Sipas tij drejtesia e zene nga pushteti, po shkel jo vetem te drejtat e opozitareve, por edhe vete Kushtetuten e vendit.

“E siguroj çdo dallkauk dhe puthadorë që i bie çekiçit përditë për të marrë në qafë këdo që s’ka pushtet dhe para për xhepat e vet të pistë, se drejtësia në Shqipëri do të vihet, në një ditë jo të largët. Dhe, do vihet duke filluar nga ndarja e pushtetit gjyqësor me gjykatësit e padenjë, që i kanë lënë mëkatet e tyre me shkrim dhe me vula në malin e dosjeve të padrejtësive të të gjitha këtyre viteve mbi mijëra, e mijëra, e mijëra, e mijëra shqiptarë të zakonshëm dhe të pafajshëm që janë viktima të padrejtësive të tyre”, tha Rama.

Lideri i opozites kerkoi gjithashtu marrjen e masave te menjehershme per frenimin dhe mbrojtjen e shqiptareve nga stuhia finaciare qe rrezikon te bjere sipas tij mbi Shqiperine ne vitin e ardhshem, – e kjo sic tha zoti Rama – per shkak te paaftesise dhe korrupsionit te pushtetit.

Top Channel