Emigranti ekzekuton punëdhënësin, mohon krimin

04/11/2011 00:00

Një emigrant shqiptar me emrin Xhonathan Limani ka mohuar akuzen e
vrasjes se menaxherit te restorantit, ku punonte, pasi me pare
pretendohet se ai i kishte prere koken viktimes perpara nje viti.

Ngjarja ka ndodhur ne nje klub ekskluziv golfi ne Oksford, ku i pandehuri kishte filluar pune si kamarier. Limani, kishte ardhur ne Britani per te punuar ne kete klub golfi vetem disa jave parpara vrasjes. Sipas mediave britanike, 34-vjecari Limani per motive ta panjohura vrau menaxherin e tij Kristian Varian 32-vjecar, i cili u gjet me koke te shkeputur nga trupi ne afersi te hotelit luksoz te golfit ne gusht te vitit te kaluar, ne nje skene te denje per filma me horror.

Sipas dedektivit Stiv Hukem te Policise se Thames ne Oksford, ngjarja ka ndodhur rreth ores tre te mesdites ne pjesen e pasme te hotelit, ku kishin akses vetem punonjesit e tij. Ne Gjykaten e Oksfordit perpara gjykatesit Anthony King, Limani pasi degjoi akuzen per vrasje, permes perkthyesit, tha se nuk ishte fajtor.

Gjykatesi King tha se Limani do te vazhdonte te ishte ne gjendje arresti dhe do te qendronte ne nje spital mendor te sigurise se larte, deri ne mars te vitit te ardhshem, kur pritet te zhvillohet edhe procesi gjyqesor ndaj te pandehurit Limani.

Ekzaminimi post-mortum konkludoi, sipas gazetes ‘The Daily Mail’, se viktima, Kristian Varian, menaxher i restorantit, ku punonte Xhonethan Limani, kishte vdekur nga plage te marra ne qafe pas sulmit ndaj tij. Te aferm te familijes se viktimes kishin ardhur nga Franca per te marre pjese ne seancen gjyqsore te zhvilluar ne Gjykaten e Oksfordit.

Top Channel