Tiranë, plan i ri rregullues
08/09/2011 16:30
Benet Beci dhe ministrja e Arsimit nënshkruajnë marrëveshjen për Kartën e Studentit, mundësi për lehtësimin e studentëve në Shkodër
19/04 14:38
Bashkia e Tiranës nis nga e para konsultat për hartimin e planit
urbanistik të Tiranës, ndonëse një i tillë ishte tashmë i përgatitur dhe
kishte ngjallur debate forta ndërmjet Bashkise dhe Ministrise Puneve
Publike, cka bëri që mos të kalonte provën në Këshillin Rregullues të
Territorit të Republikës.
Ndonese edhe per hartimin e planit te pare ishin bere konsulta me shoqerine civile, akademike dhe arkitekte, tashme ndryshojne thjesht emrat e konsulenteve.
“Eshtë e domosdoshme që të zgjidhim njëherë e mirë luftën e përditshme midis qytetit të vjetër dhe grackave, që ai ngre për qytetarët në cdo cep të tij që nga sheshi “Skëndërbej” i bllokuar tek trafiku i asfiksuar në orët e mëngjesit dhe të pasdites, tek qyteti pa sy, pa semaforë, tek trotuaret e pushtuara”, tha kreu i Bashkisë, Lulzim Basha.
Ish-keshilltari i kryeministrit ne fushen e urbanistikes Besnik Aliaj i kerkoi zotit Basha qe te vleresoje ne nje mase konsultat, por rolin kryesor sipas tij duhet ta luajne teknicienet. Aliaj kerkoi qe te vleresohet dhe ajo qe eshte bere me pare.
“Bashkia duhet të jetë në gjendje ta orientojë për t’i thënë se ku mund të ndërtohet një shtëpi në një truall të caktuar, ku mund të shkojë dhe të bashkëpunojë me sektorin privat, ku duhet orientuar sektori privat që të përgatisë banesa”, tha Aliaj. Basha nga ana e tij theksoi se puna e bërë deri tani nuk zerohet, por një analizë e mirë e dokumentave të politikave apo të planeve të hartuara në këto 20 vite, do të përbëjë fazën e parë të domosdoshme nga e cila do të kalojë puna e bashkisë, duke nisur nga dokumenti i fundit i hartuar, që njihet nga publiku si ‘Plani zviceran’.
I pyetur nga të pranishmit ne lidhje me sheshin “Skenderbej”, Basha konfirmoi qe do te nderhyhet dhe nuk do te respektohet projekti i mëparshëm.
“Padyshim që procesi i planit urban jo vetëm nuk paragjykon por as nuk mundet në asnjë moment të lidhë duart e bashkisë për veprime të menjëhershme. Sigurisht këto janë veprime të cilat synojnë stabilizimin e situatës aty ku ajo është afër kolapsit për shkak të planifikimit të varfër apo mungesës së planifikimit nga ana jonë para tre, gjashtë apo 12 muajve kur nisi projekti aktual. Do t’ju informojmë edhe për ndërhyrjet të cilat bashkia po planifikon dhe së shpejti do të nisë të ekzekutojë për të normalizuar situatën e komplikuar apo afër kolapsit në akse të ndryshme të qytetit në vecanti në qendër të tij”, tha Basha.
Sipas kryetarit te bashkise, plani urbanistik i Tiranes, tashme sipas varianti te ri do te perfundoje brenda 10 muajve.
Top Channel
