METE u heq licensën 11 subjekteve të naftës
05/09/2011 20:00
“Forbes” përzgjedh Shqipërinë në listën e vendeve të paprekura nga turizmi masiv, nga fermat te shtigje e rafting, ja itinerari që sugjeron 23/04 11:01
Ministria e Energjitikës ka hequr licensën për 11 shoqëri që tregtonin naftë dhe gaz, sepse nuk përmbushnin kushtet e kapacaiteteve depozituese.
METE e ka marrë këtë vendim pas propozimit të Inspektoriatit Qendror Teknik, i cili është institucioni përgjegjës për kontrollin e tregut të hidrokarbureve.
Kontrolli në këto shoqëri vjen pasi ndaj tyre më parë ishte vendosur sanksioni i pezullimit të lejeve të tregtimit për një afat 30-ditor.
Gjatë këtij afati shoqëritë duhet të plotësonin mangësitë e konstatuara nga ana e institucioneve kompetente.
Çmimi i naftës, “faji” i qeverisë
Rritja e re me 6 lekë për litër në taksat e karburanteve është vetëm masa e fundit në radhën e një politike disa vjeçare, që gjithmonë ka ecur në një drejtim. Atë të rëndimit të barrës fiskale.
Të dhënat tregojnë se krahasuar me vitin 2005, qeveria i ka rritur taksat mbi karburantet me mbi 20 lekë për litër.
Kjo është rritje direkte pa përfshirë të ardhurat shtesë që shteti merr nga rritja e çmimit.
Historia nisi me akcizën, e cila në vitin 2005 ka qenë e fiksuar në nivelin 27 lekë për litër.
Që nga ajo kohë qeveria e ka rritur akcizën dy herë duke e çuar atë në 37 lekë për litër, që është dhe niveli aktual.
Ky ishte vetëm hapi i parë që u pasua nga të tjerë, gjithmonë në të njëjtin kah atë të rritjes së barrës.
Pas akcizës, qeveria ndërhyri në taksën e karbonit duke e rritur atë nga 1 në 3 lekë për litër.
Dhe menjëherë pas kësaj, që prej dy ditësh ka hyrë në fuqi një taksë e re shtesë, e ashtuquajtur taksa e qarkullimit, e cila nuk ka ekzistuar, por që këtej e tutje do të jetë 5 lekë për litër.
Në total rritja direkte nga akciza, taksa e karbonit dhe ajo e qarkullimit është 17 lekë për litër.
Mbi këtë barrë llogaritet edhe efekti i tatimit mbi vlerën e shtuar, i cili e shton barrën edhe me 3.4 lekë të tjera, duke e çuar atë në total 20.4 lekë taksa shtesë për çdo litër karburant krahasuar me vitin 2005.
Veç këtyre rritjeve direkte qeveria ka përfituar edhe nga kërcimi i çmimeve të naftës në treg, që i mundëson asaj të mbledh më shumë tatim mbi vlerën e shtuar.
Si rezultat, qeveria i merr qytetarëve si taksa 90 lekë për çdo litër naftë që ata blejnë në treg.
Që do të thotë më shumë se gjysma e çmimit të naftës është takes dhe pjesa tjetër është kosto prodhimi, transporti apo fitim tregtarësh.
Top Channel
