Serbia miraton ndryshimet në rezolutë

08/09/2010 17:30

Qeveria e Serbisë ka miratuar ndryshimet në rezolutën për Kosovën, që Ministria e Jashtme e Beogradit do të paraqesë në Asamblenë e Përgjithshme të OKB-së.

Sipas informacioneve të fundit, ndryshimet e bëra kanë qenë në harmoni me qëndrimet e 27 vendeve anëtare të Bashkimit Evropian.

Gjithashtu, miratimi vjen pas një takimi që konsiderohet pozitiv mes shefes së diplomacisë evropiane Catherine Ashton dhe presidentit serb Boris Tadic.

Teksti i projekt/rezolutës është harmonizuar edhe me të gjitha partitë në koalicion dhe ato në opozitë në Serbi.

Kështu, Ministria e Jashtme serbe do të dërgojë në OKB rezolutën e re, e cila nuk do të ketë amendamente.

Top Channel