Serbi-Kosovë, Zannier: Gati të ndërmjetësoj
22/04/2010 16:00
Akuzat nga bashkëshortja për dhunë, Gjykata e Kosovës merr vendimin për kampionin e xhudos 19/04 18:06
Shefi i misionit të OKB-së në Kosovë, Lamberto Zannier, ka deklaruar në një intervistë për BBC, se është i gatshëm të luajë rolin e ndërmjetësit në bisedimet mes komunitetit shqiptar dhe atij serb, nëse një gjë e tillë do t’i kërkohej.
Zannier është shprehur se UNMIK po përpiqet të përgatisë procesin e dialogut në një nivel të ulët dhe në shkallë praktike për të arritur përparime në fusha të caktuara, në veçanti në veri të Kosovës.
Shefi i UNMIK-ut shfaqi shqetësimin e tij për nismat për veriun e Kosovës, të cilat sipas tij mund të shkaktojnë trazira nëse nuk janë të përgatitura mirë.
Ai ka shtuar se përderisa pritet një vendim i Gjykatës Ndërkombëtare të Drejtësisë mbi pavarësinë, çdo gjë është më e komplikuar.
Top Channel
