Shkup, pranga për korrupsion 40 personave
19/04/2010 16:30
Policia maqedonase në qytetin e Shkupit ka arrestuar sot 40 punonjës të sektorit shëndetësor, të cilët akuzohen për kryerje të aferave korruptive.
Lajmin e bëjnë të ditur mediat maqedonase, sipas të cilave personat e arrestuar, në këmbim të parave u siguronin pensionin e invalidit personave që nuk u takonte.
Sipas burimeve, mes personave të arrestuar janë mjekë të njohur të Klinikës së Kardiologjisë, si dhe të Universitetit të Mjekësisë në Shkup.
Burimet shtojnë më tej se cështja në fjalë i ka kaluar prokurorisë së kryeqytetit maqedonas, për procedim penal.
Top Channel