Marrëdhëniet me BE, Thaci dorëzon pyetësorin
15/04/2010 19:10
Ndihmëssekretari amerikan i Shtetit, O’Brien viziton sot Beogradin! Priten takime me krerët e shtetit 20/04 09:08
Kryeministri i Kosovës Hashim Thaci i dorëzoi sot përfaqësuesit të zyrës së KE në Prishtinë Renzo Davidi, përgjigjet e pyetësorit për marrëdhëniet tregtare me BE-në.
Gjatë ceremonisë së dorëzimit, Thaci ka premtuar luftë serioze kundër korrupsionit dhe ka shprehur bindjen se shumë shpejt Kosova do të marrë edhe pyetësorin për liberalizimin e vizave.
“Thellimi i reformave, lufta kundër korrupsionit dhe elementëve të keqmenaxhimit do të jenë angazhim i përhershëm i qeverisë së Kosovës”, ka deklaruar Thaci.
Nga ana e tij, zyrtari evropian, Renzo Davidi ka preferuar të mos komentojë nismat e fundit të kryeministrit Thaci, duke u shprehur se KE flet përmes raportit të progresit që do të publikohet në vjeshtë.
Top Channel
