Skoci, 3 “shqiptare” hidhen nga pallati, iu refuzua azili

Dyshohet se ata e ndermorren kete akt tragjik, pasi autotitet e shqyrtimit te aplikimit per azil, ua refuzuan nje kerkese te tille. Gazeta londineze “The Guardian” edicioni online, qe ka raportuar e para ngjarjen tronditese, thote se, dy meshkuj dhe nje femer, te cilet ishin lidhur me njeri-tjetrin, u hodhen nga kati i 15-te i nje ndertese ne qytetin e Gllasgout mbremjen e se shtunes.

Trupat e tyre te pajete jane gjetur mengjesin e se dieles ne kembet e nje kompleksi ndertesash ne zonen Springburg ne verilindje te Gllasgout. E kontaktuar nga Top Channel, policia skoze sebashku me ministrine e Brendeshme Home Office, nuk ka pranuar te tregoje identitetet e e viktimave. Deshmitarja okulare e quajtur Elizabeth Neilson, e cila jetonte perballe pallatit nga ku jane hedhur tre personat e dyshuar si shqiptare, e cituar nga “The Guardian”, ka deklaruar: “pasi kam hapur perdet e dritareve, pashe, trupat e tyre te shtrire ne toke.

Menjehere i telefonova policise”. Nga hetimet e deritanishme te policise nuk ka asnje te dhene qe dikush t’i kete shtyre ata nga kati i 15-te. E vetmja piste qe po hetohet eshte ajo e nje pakti paraprak per kryerjen e nje vetevrasje kolektive. “Nje incident trondites dhe tejet i rende”, keshtu e ka cilesuar kete ngjarje deputeti laburist i zones Eillie Brain. Po ashtu ai ka deklaruar se nga infomacionet e para qe disponon i eshte treguar se tre viktimat ishin emigrante nga Kosova.

Top Channel