Kurti: Policia e UNMIK, e programuar per te vrare

Kurti, i cili jeton ne arrati pasi nuk ka ndermend te paraqitet ne gjykate, ka deklaruar ne nje interviste per Top Channel, se negociatat per pavaresine jane zhvilluar ne kurriz te qytetareve te Kosoves.

“Negociatat jane zhvilluar ne avion nga kulisat, prapa kurrizit te popullit te Kosoves. Ne Vjene dhe ne Prishtine nuk eshte bere asgje”, ka pohuar Kurti.

Sipas tij, kete gje levizja “Vetevendosje” dhe populli i Kosoves kane dashur ta shprehin ne protesten e shkurtit te vitit 2007, e cila u mbyll me gjakderdhje.

Kurti ka theksuar se ate dite policia reagoi ne menyre brutale, me qellim zhdukjen e levizjes “Vetevendosje”.

“Ne 2007-en neve policia na lejoi fillimisht, por pastaj filloi te qellonte plumba gome mbi kokat e protestuesve. Ajo ka qene nje dite shume e rende per mua. Ka qene i befasishem reagimi brutal i policise, qe donte te na shkaterronte njehere e pergjithmone”, eshte shprehur Kurti.

Ai ka nenvizuar se policia e UNMIK shkeli rregullat gjate protestes se shkurtit dhe qellimisht nuk ka identifikuar agjentet qe kryen dy vrasjet.

“Deri me tani nuk ka marre askush pergjegjesi, pervec procesit politik qe po behet ndaj meje. Hetuesit nderkombetare ne UNMIK thane se dihet se kane qene policet rumune, por nuk dihet identiteti i tyre. Ata pranuan se eshte thyer zinxhiri rekomandues, por nuk hetuan me tej”, ka thene Kurti duke shtuar se reagimi i policise nderkombetare ka qene i programuar.

“Ata kane pasur leje per te vrare dhe kane pasur urdher per te vrare. Ata kane pasur edhe leje per te ikur nga vendi i krimit. Moren ciftet me vete dhe u dekoruan ne Rumani. Behet fjale per nje polici qe eshte mbi ligjin. Ajo ka qene gjithcka e parapergatitur, qe pas nje vrasjeje te mos identifikohet polici autor”, ka deklaruar Kurti.

Kurti ka theksuar se edhe misioni EULEX po ndjek rrugen e nisur nga UNMIK per te qene mbi ligjin dhe ka shtuar se nuk ka ndermend te dale ne gjykate, perballe ketyre msioneve joligjore.

“Nuk mund te kete gjyqesi te pavarur nga EULEX. EULEX eshte mbi ligjin, pra nuk kam as arsye dhe as deshire per te qene kontribues ndaj kesaj qe po behet ndaj meje. Pra, nuk kam shkuar ne gjyq dhe as do te shkoj”, ka pohuar Kurti.

Lideri i “Vetevendosje” ka shtuar me tej se levizja e tij do t’i perfeksionoje protestat, ne menyre qe institucionet kosovare t’i tremben popullit dhe jo institucioneve nderkombetare.

“Aksionet protestuese do t’i perfeksionojme edhe me metoda institucionale, por pa harruar vullnetin e popullit, qe nuk eshte vullneti i institucioneve. Duhet qe politikanet tane t’i frikesohen me teper popullit kosovar se sa institucioneve nderkombetare”, ka shtuar Kurti.

Top Channel