Sajmir Ujkani i kenaqur nga 2009-a

14/06/2009 10:25

Sezoni qe sapo u mbyll ka qene mjaft pozitiv per Samir Ujkanin. Ai eshte bere portieri i dyte i Palermos, duke qendruar vetem pas Marko Amelias, i cili eshte pjese e Kombetares italiane.

Pervec kesaj, 20-vjecari ka fituar edhe nje vend fiks ne kontingjentin e perfaqesueses shqiptare, madje ne miqesoren e 10 qershorit kunder Gjeorgjise, ai debutoi me skuadren e drejtuar nga Josip Kuzhe. Ish-lojtari i Anderlehtit ne Belgjike tregoi: “Ka qene nje vit shume i mire per mua, jam i kenaqur. Nuk kam menduar se do te arrija kaq larte brenda nje kohe kaq te shkurter. Seria A eshte nje kampionat i forte dhe ne ekip kam pasur dy konkurrente, ku njerit kam arritur t‘ia ze vendin. Ne Kombetare me ftoi Han, por Kuzhe me dha shansin te luaj. Do te vazhdoj te punoj dhe jam i gatshem te mbroj porten”.

Te Palermo, Amelia eshte i paprekshem dhe Ujkani duhet te kenaqet me rolin si portier i dyte, ose te kerkoje nje tjeter skuader. “Kontrata aktuale perfundon ne vitin 2012, por po diskutojme me Palermon per rinovimin e kontrates edhe per nje vit, tha ai per kosovaren ‘Express‘. Nese me sigurojne se do te mbetem portieri i dyte edhe do te luaj ne Kupen e Italise, do te qendroj. Ne te kundert, do te kerkoj te luaj ne forme huazimi ne ndonje skuader tjeter”.

Top Channel