Votimi per Parlamentin Evropian

Gjate kesaj fundjave, si asnjehere tjeter ne 5 vite te legjislatures, punonjesit e grupeve te ndryshme politike po qendrojne 24 ore ne dispozicion te gazetareve per te dhene ne kohe rezultatet paraprake.

Procesi qe nisi  me 4 qershor ne  Britanine e Madhe dhe Holande vijoi ne Irlande e Ceki, me pas ne Qipro, Sllovaki, Itali, Malte, Letoni duke perfunduar me votimin kryesor me 7 qershor ne pjesen derrmuese te vendeve te tjera te Bashkimit Evropian.

Me kete proces zgjidhen per here te fundit 736 deputetet e rinj per mandatin e ardhshem 5 vjecar, pasi numri i karrigeve ne Parlamentin Evropian do te ndryshoje pas miratimit te traktatit te Lisbones.

Ne mungese te eurodeputeteve, salla me e madhe e institucionit legjislativ, aty ku zakonisht mbahen seancat plenare, eshte shnderruar ne nje kinema te mbyllur, prej nga do te transmetohen te dielen ne mbremje rezultatet paraprake te procesit.

Nderkohe qe gjate dites elektorale do te zhvillohen debate politike mbi te ardhmen e BE-se, do te kete videokonferenca me europarlamentare si dhe ne mbremje nje koncert permbylles brenda kesaj ndertese evropiane.

“Do te kemi prezent dy deputete, presidentin e Partise Socialiste Evropiane, Rasmusen dhe zevendespresidentin Virsma, do te realizojme videokonference me Martin Shulc rreth ores 8 te mbremjes dhe me Zida Gomek, eurodeputete qe kandidon ne zgjedhjet e Hungarise”, eshte shprehur Solange Helain-Villes, zedhenese e PSE-se.

Nga shtate grupimet e partive politike te Parlamentit Evropian, Partia Popullore dhe e te Djathteve Evropiane, pritet, sipas sondazheve, te marre serish shumicen e votave, e ndjekur nga te majtet nen grupimin e Partise Socialiste Evropiane e me pas nga Liberalet.

Top Channel