FT: Berlusconi, rrezik per Italine

27/05/2009 12:35

Nuk eshte Musolini, por megjithate perben rrezik per Italine. Ky eshte vleresimi i bere per kryeministrin italian Silvio Berlusconi, ne nje editorial te gazetes se njohur ekonomike, “Financial Times”.

Britanikja shkruan se ndonese nuk ka skuadra te kemishezinjve, kreu i ekzekutivit rrethohet nga skuadra femrash, qe tentojne te behen yje. Gazeta shkruan se rreziku i Berlusconit eshte i ndryshem nga ai i Musolinit, ndersa thekson se “Repubblica” u be ajo pjese e shtypit qe shtroi pyetjet e veshtira per lidhjen e tij me nje adoleshente, qe tenton te behet yll.

Berlusconi sipas “Financial Times” perben rrezik per mediat, qe kane zevendesuar politiken serioze me zbavitje. “Behet fjale per demonizim te armiqve dhe refuzim te garantimit te bazave te pavarura per pushtetet e ndryshme. Ai ka vene pasurine ne sherbim te krijimit te nje imazhi te madh, te perbere nga deklarata dhe suksese pa fund dhe pa mbeshtetje popullore. Berlusconi eshte kaq dominues edhe per shkak te ekzistences se nje te majte hezituese, te intitucioneve te dobeta dhe shpesh te politizuara, si dhe te nje gazetarie qe ka pranuar nje rol vartes. Por faji kryesor mbetet i nje njeriu shume te pasur, te fuqishem e te pameshirshem”, shkruan gazeta.

Berlusconi nuk eshte fashist, por perben rrezikun kryesor per Italine dhe eshte nje shembull i demshem, thuhet ne editorialin e FT.

Top Channel