100 ditet, Obama: Fillim i mire, por ka ende pune

30/04/2009 09:15

Edhe pse ka pranuar se administrata ka pasur nje fillim te mire dhe jane shenuar hapa perpara, presidenti amerikan Obama nuk eshte i kenaqur me progresin e deritanishem te administrates se tij.

Ne nje konference shtypi ne 100 diteshin e pare te presidences se tij, Obama u pyet per nje seri ceshtjesh, duke nisur nga torturat, gripi i derrave, ekonomia dhe politika e jashtme. Tradicionalisht 100 ditet e para te nje presidenti, komentatoret i shohin si nje moment te rendesishem per te percaktuar suksesin apo deshtimin e nje kreu shteti.

Edhe pse pranoi se 100 ditet e tij te para ne kete post ishin te suksesshme, Obama tha se ka ende shume per te bere. Pakenaqesia vjen pasi amerikanet ende po perballen me veshtiresi ekonomike. “Miliona amerikane jane ende pa pune dhe pa shtepi dhe te tjere do te humbasin punen dhe shtepine para se te perfundoje recesioni”, tha presidenti.

Ne lidhje me gripin e derrave, Obama tha se qeveria po merr masa dhe eshte e pergatitur. Presidenti tha se shkollat me raste te konfirmuara, ose te dyshuara te ketij gripi duhet te shqyrtojne mundesine e mbylljes se perkohshme.

Sa i perket politikes se jashtme, Obama tha se ne keto 100 dite te para ai ka bere hapa per t’i dhene fund luftes ne Irak dhe per te mbyllur bazen Guantanamo. Ai vleresoi vendimin per t’i dhene fund tortures gjate procesit te marrjes ne pyetje.

Presidenti shenoi 100 diteshin edhe me nje fitore ne Kongres, ku dy dhomat miratuan buxhetin e tij prej 3.5 trilione dollaresh.

Top Channel