Gafat e Miss Universit, kritika ne internet

02/04/2009 10:10

Komentet e Miss Universit rreth burgut te Guantanamos, te cilin e ka quajtur vend te qete dhe te bukur, kane shkaktuar reagime te ashpra ne internet.

Dayana Mendoza, modelja venezueliane e shpallur vitin e kaluar si me e bukura e universit vizitoi bazen ne fjale, se bashku me Crystle Stewart, Miss Ameriken, me ftese te ushtrise amerikane. Pas kthimit ne Venezuele, Mendoza rrefeu eksperiencen e perjetuar ne blogun e Miss Universit.

Bukuroshja nuk beri asnje kritike per burgun ku ndodhen 240 te dyshuar si terroriste dhe nuk tha asnje fjale per torturat dhe trajtimet e denoncuara prej vitesh nga organizatat nderkombetare. Ajo e cilesoi viziten ne Guantanamo si nje pervoje te pabesueshme dhe pershkroi viziten ne baze dhe zbavitjen atje.

“Vizituam kampet ku te burgosurit bejne dush dhe sallat ku kalojne kohen e lire duke pare filma, apo duke lexuar”, shkroi Miss-i ne blog, duke e mbyllur pershkrimin me fjalet se nuk do te donte te largohej nga nje vend aq qetesues.

Te shumte kane qene lexuesit qe kane reaguar pas gafave te modeles, duke thene se budallalleku mund te marre perpasa te paparashikueshme.

Por presidentja e konkursit te bukurise, Paula M. Shugart, u perpoq te justifikonte gafat e Miss-it, duke thene se ajo i ishte referuar mikpritjes se ushtrise amerikane dhe familjareve te tyre qe jetojne ne Guantanamo.

Top Channel