Ronaldo enderron kombetaren dhe boterorin 2010

25/03/2009 21:45

Rikthimi ne fushat e blerta nuk ishte synimi final i sulmuesit brazilian te Corinthias, Ronaldo.

Ish “fenomeni”, tashme qe ka siguruar vendin ne formacionin baze te skuadres pauliste, shikon edhe me larg. Edhe pse duhet te humbase ende dhe 3 kg si dhe duhet te rifitoje reflekset e fuqine e dikurshme, Ronaldo kerkon qe ne te ardhmen te rikthehet ne kombetaren e Brazilit.

“Nese do arrij te shenoj 30 gola, besoj se Corinthias do fitoje dicka te rendesishme. Gjithesesi, qellimi kryesor eshte kualifikimi per ne Kupen Libertadores. Gjithashtu, me 30 gola te shenuar mund te flas edhe me Dungen. Qellimi im kryesor eshte te jem pjese e kombetares se boterorit 2010”, shprehet Ronaldo.

Ne vijim, ai ka folur per jeten ne San Paolo. “Ky qytet eshte shume i madh. Me duhet te marr perhere navigatorin me vete. Jetoj i qete me shoqen time dhe vajzen e vogel Maria Sofia. Dal ndonjehere naten por nuk e kuptoj pse e bejne kaq te madhe. Brazili nuk eshte nje vend shenjtoresh”, perfundon sulmuesi.

Top Channel