Rama: Pabarazi therese ndaj grave

08/03/2009 15:25

Ne nje takim festiv me gra dhe vajza aktiviste dhe perfaqesuese te shoqerise civile, kryetari i opozites publikoi disa te dhena zyrtare qe tregojne “pabarazi therese”, sipas tij, te shoqerise shqiptare.

Ai citoi shifren e ulet te pjesemarrjes se gruas me vendimmarrje, 7.1 %, dhe vecoi gjithashtu dhe faktin se rreth 60% te grave ne zona rurale nuk trajtohen me ndihme ekonomike.

Rama tha se 50% e grave kur behen nena nuk mbulohen nga sigurimet shoqerore duke bere qe ato te dalin menjehere pas lindjes ne pune.

“Pas 28 qershorit asnje nene shqiptare ne asnje qender apo perfieri te vendit nuk do ta leme qe per shkak te varferise te lere foshnjen duke ia mbuluar se bashku shpenzimet”, eshte shprehur Rama.

Ai u ndal edhe tek pamundesia e nenave per t’i derguar femijet ne cerdhe dhe kopesht, duke sjelle shifren tjeter tronditese sipas tij, kur tha se vetem 10% e femijeve shkojne ne keto institucione.

Ai vecoi se gjate ketyre 4 viteve dhuna ndaj grave eshte rritje dhe propozimi i tij eshte qe kjo dhune te trajtohet nga Kodi Penal si pjese krimeve penale.

“Tek objektivi i ngritjes se qendrave strehuese per viktimat e dhunes ne familje, tek objektivi per institucione te asistences per nenat qe lindin femije”, tha Rama.

Kryetari i opozites premtoi gjithashtu dhe rritjen e perqindjes se gruas ne Parlament, por me rendesi, sipas tij, edhe rritja e perqindjes se tyre ne poste dhe vendimarrje ekzekutive.

“Nje dore tund djepin, te dyja ndryshojne boten”, theksoi kreu i PS-se.

Top Channel