Duket shume e larget mundesia per vendosjen e nje armepushimi ne Gaza, pavaresisht rezolutes se miratuar nga Keshilli i Sigurimit i OKB-se, javen e kaluar.
Kreu izraelit i mbrojtjes, gjenerali Gabi Ashkenazi, deklaroi se ushtaret po kryejne shume mire detyren e tyre dhe se luftetaret dhe infrastrukturat e Hamas, kane pesuar deme te renda.
“Po ka ende shume pune per te bere”, mesohet te kete deklaruar gjenerali ne Komisionin parlamentar per ceshtjet e jashtme dhe Mbrojtjes.
Sipas tij, ushtria izraelite do te vazhdoje te godase Hamas, derisa te mos hidhet qofte edhe nje rakete kunder qytetit izraelit.
Nderkohe trupat izraelite vazhdojne avancimin e tyre, duke forcuar pozicionet ne zonat periferike te Gaza City.
Ne rruget e qytetit te Gazas eshte duke u zhvilluar nje lufte e ashper pas hyrjes se trupave izraelite.
Militantet palestineze te grupimeve te ndryshme mundohen te rezistojne ndersa aviacioni ka goditur 60 objektiva te reja.
Numri i viktimave mberriti ne 930 ndersa popullsia palestineze ndodhet ne nje situate te renduar humanitare.
Top Channel